Birləşmiş Ştatlarda səfərdə olan Yunanıstanın baş naziri Yorqo Papandreo dövlət katibi Hillari Klintonla danışqılar aparıb. Görüşdə Yunanıstandakı iqtisadi durum, Kipr problemi və Yunan-Türk münasibətləri müzakirə edilib. Klinton rəsmi Afinanın iqtisadi bərpa addımlarını dəstəklədiyini bəyan edib. Bundan başqa o, yunan və türklərin dost ola biləcəyinidə dilə gətirib. Kipr probleminin həllindəki səylərini yüksək qiymətləndirən amerikanın dövlət katibi BMT- çərçivəsindəki danışıqları dəstəklədiklərini söyləyib. Kiprdəki yunan və türklərin öz müqəddaratlarını müəyyənləşdirmək haqı olduğunu deyən Papandreo Türkiyənin Avropa İttifaqına daxil olmasına tərəfdar olduqlarını bildirib.