Birləşmiş Ştatların vitse-prezidenti Cozef Bayden Yaxın Şərqə gəlib. Onun ilk dayanacağı İsrail olub. O burda əsasən Yaxın Şərq sülh prosesinin və İranın nüvə proqramının dayandırılması məsələsini müzakirə edəcək. Dörd gün davam edəcək səfər çərçivəsində o, İsrail və Fələstin rəsmiləriylə danışıqlar aparacaq. Sözügedən məsələlərdən başqa Bayden İsrail tərəfiylə hərbi əməkdaşlığın möhkəmləndirilməsindən də danışacaq. Hər il İsrailə 3 milyard dollar hərbi yardım edən Vaşinqton regionda İsrailin təhlükəsizliyini təmin etməyə çalışır.