İsrail Yaxın Şərq sülh danışıqlarını təhlükə altına qoyub. Bazar ertəsi Birləşmiş Ştatların vasitəçiliyiylə danışıqların bərpasına razılıq verən rəsmi Təl-Əviv yenidən təxribata əl atıb. Dünən İsrail hökuməti Şərqi Qüdsdə daha 1600 yəhudi yaşayış evi tikmək haqqda qərar qəbul edib. Bu qərarın Amerikanın vitse-prezidenti Cozef Baydenin İsrailə səfəri zamanı qəbulu isə daha çox maraq doğurur. Tərəfləri danışıqları bərpaya etməyə çağıran Bayden İsrail hökumətinin bu addımını pisləyib. O, bu cür qərraların sülh danışıqları üçün lazımı imkanları heçə endirdiyini və Vaşinqtonun vasitəçilik etdiyi müzakirə prosesinə zərbə vurduğunu bəyan edib. İsrail hökümətinin sözügedən qərarını Fələstin tərəfi də kəskin pisləyib. Fələstin rəsmiləri hesab edir ki, rəsmi Təl-Əviv bu qərarla öz işğalçılıq niyyətini göstərmiş olub.