Birləşmiş Ştatların vitse-prezident Cozef Bayden Yaxın Şərq səfəri çərçivəsində İordaniyaya gəlib. İsraildəki uğursuz danışıqlardan sonra Bayden İordaniyada Yaxın Şərq problemini müzakirə edib. O, Kral Abdullahla sözügedən məsələ barədə danışıqlar aparıb. Vaşinqtonun vasitəçiliyiylə İsrail-Fələstin sülh danışıqlarının bərpası qərarlaşdırılsa da, rəsmi Təl-Əvivin Şərqi Qüdsdə yeni yaşayış evləri tikmək qərarı bu prosesi əngəlləyib. İsrailin bu addımını Cozef Bayden pisləsə də, heç bir konkret addım atmayıb.