Birləşmiş Ştatlar Dövlət Departamenti ölkə vətəndaşlarına Türkiyədəki təhlükəsizlik və terror aktları, zorakılıq təhlükəsinin davam etməsi ilə bağlı xəbərdarlıq edib. Bəyanatda bildirilir ki, Türkiyədəki Amerika və Türk-Amerika mədəniyyət və ticarət müəssisələrinə qarşı aksiyalar keçirilə bilər. ABŞ vətəndaşları çox ayıq olmalı və təhlükəsizliklərini gücləndirmək üçün lazımi tədbirlər görməlidilər. Dövlət Departamenti amerikalıları ermənilərin tez-tez olduğu ərazilərdə xüsusilə ehtiyatlı olmağa çağırıb. Birləşmiş Ştatlardakı türk diasporu isə bu xəbərdarlığı əsassız hesab edir. Diaspor rəsmiləri bildiriblər ki, Türkiyədəki vəziyyət tamamilə təhlükəsizdir.