Amerika Birləşmiş Ştatları yeni nüvə strategiyasını elan edib. Ağ Ev nüvə proqramında müəyyən dəyişikliklər edib. Sənəddə nüvə silahlarının rolunun azaldılması və gələcəkdə bu növ silahların daha da məhdudlaşdırılması nəzərdə tutulur. Nüvə doktrinası konqresə təqdim olunub. Ağ Ev yeni strategiya vasitəsiylə Amerika və onun müttəfiqlərinin təhlükəsizliyinin qorunacağını bildirib. Yeni sənədin əsas məqsədi Vaşinqtonun nüvə silahından istifadə edilməsi məsələsini sərtləşdirməsiylə bağlıdır. Bu siyasət nüvə silahı olmayan və bu prosesi dəstəkləməyən ölkələrə qarşı tətbiq edilməyəcək. Amma iran və Şimali Koreya kimi ölkələr istisna edilir.