Aprelin 10-u İraqın işğal günü kimi qeyd olunur. 7 il əvvəl Amerika Birləşmiş Ştatları qoşunları ölkəyə daxil olub. Bu münasibətlə müxtəlif şəhərlərdə etiraz aksiyaları təşkil olunub. Əl-Nəcəf şəhərində minlərlə vətəndaşın iştirakı ilə keçirilən nümayişdə Birləşmiş Ştatlar və baş nazir Nuri Əl-Maliki əleyhinə şüarlar səsləndirib. Aksiyada hazırda İranda sürgün həyatı yaşayan Müqtədi Əs-Sədrin xalqa müraciəti oxunub. O, sünnü və şiələri birləşərək, amerikalıları ölkədən qovmağa çağırıb. Mitinq iştirakçıları demokratiya adı altında iraqın işğal edilməsini kəskin pisləyiblər, Amerika qoşunlarının ölkədən çıxarılmasını tələb ediblər. İraqda bir neçə il əvvəlki gərginlik nisbətən sngisə də, terror aktlarının qarşısını almaq mümkün olmur. Amma bəzi analitiklər hələ nikbindilər. Hazırda İraqda təxminən 100 min birləşmiş ştatlar hərbçisi xidmət edir. Rəsmi Vaşinqton, gələn ilin sonunadək qoşunların ölkədən çıxarılacağını bəyan edib.