Dağlıq Qarabağın işğal olunması Ermənistanla Türkiyə arasındakı normallaşma prosesinə əngəl törədir. Bu, həmçinin Ermənistanın diqqətini əsas məsələdən – ölkədəki yoxsulluqdan yayındırır. ABŞ konqresinin üzvü Maykl Makmahom belə bəyanatla çıxış edib. Konqresmen APA-ya bildirib ki, münaqişə nə qədər tez həll olunsa, Ermənistan-Türkiyə münasibətləri də o qədər tez yoluna qoyular. Onun fikrincə, son zamanlar Dağlıq Qarabağ münaqişəsinin nizamlanması istiqamətində müəyyən canlanma müşahidə edilməkdədir.