Müqəddəs ramazan Bayramı münasibətilə Lənkəranda xeyriyyə aksiyası keçirilib. Rayonda məskunlaşan qaçqın və məcburi köçkün ailələri, Qarabağ müharibəsi əlilləri, şəhid və aztəminatlı ailələrə bayram sovqatları paylanıb. Bayram süfrəsində hər bir ailə üçün zəruri olan ərzaq məhsullarından 5 kq olmaqla un, toyuq, düyü, kərə və bitki yağları, şəkər tozu, qənd, çay və digər ərzaqlar nəzərdə tutulub. Mərkəzləşdirilmiş qaydada paylanan bayram sovqatlarını ala bilməyən xəstə, kimsəsiz insanlara evlərində baş çəkilib.