Bu il regionlarda , xüsusən də sərhəd bölgələrində xarici televiziya kanallarının yerli televiziya kanallarına müdaxiləsinin qarşısı alınacaq. Rabitə və İnformasiya Texnologiyaları Nazirliyi tərəfindən bölgələrdə artıq xüsusi qurğuların quraşdırılmasına başlanılıb. Bu il Rabitə və İnformasiya Texnologiyaları Nazirliynində daha bir neçə iri layihə həyata keçiriləcək. Artıq elektron imzaların verilməsi ilə bağlı keçirilən tender başa çatıb. Hazırda layihə ilə bağlı hazırlıq işləri aparılır və bu il elektron imzaların verilməsinə başlanılacaq. Elektorn imzadan dövlət qurumları, bizneslə məşğul olanlar eləcədə sadə vətəndaşlarda istifadə edə biləcək. Ölkədə yalnız bir operator vasitəsi ilə həyata keçirilən «3 G» texnologiyası isə bu il daha geniş şəkildə tətbiq olunacaq. Əsasən bölgələrdə «3 G»-nin fəaliyyətini gücləndirmək , sürətli internet ,həmçinin videogörüntünün daha yaxşı çatdırılması üçün işlərə başlanılıb. Növbəti mərhələdə isə «3-G» –nin davamı kimi «4 G» texnologiyasının da tətbiqi nəzərdə tutulur. «3 G»-dən fərqli olaraq «4 G»-də xidmətlər daha geniş , operativ və yüksək səviyyədə olacaq . Hazırda yeni xidmətini həyata keçirilməsi üçün nazirlik tərəfindən tezliklər boşluğu araşdırılır.