Qondarma erməni soyqırımı yenidən Birləşmiş Ştatların gündəmindədir. Soyqırım iddiasıyla bağlı qanun layihəsi martın 4-də konqressin nümayəndələr palatasının xarici əlaqələr komitəsində müzakirə ediləcək. Layihənin komitədən keçəcəyi və nümayəndələr palatasında təsdiqlənməyə təqdim olunacağı gözlənilir. Artıq qondarma soyqırımın qəbulu üçün erməni diasporu aktiv təbliğata başlayıb. Bununla bağlı ABŞ telekanallarında xüsusi proqramlar yayımlanır. Soyqırımın yenidən gündəmə gətirilməsi barədə çıxış edən Amerikanın Türkiyədəki keçmiş səfiri Morton Abramoviç prezident Barak Obamanın məsələyə istənilən münasibəti bildirməyəcəyi təqdirdə bu iddianın konqresdən keçə biləcəyini bəyan edib. Hər il mart ayında erməni lobbisi soyqırım iddiasını Konqresdə gündəmə gətirir.