Qondarma erməni soyqırımıyla bağlı Birləşmiş Ştatlarda siyasi gərginlik yaşanır. Məkirli planın Konqressdə qəbuluna çalışan erməni lobbisi sərt müqavimətlə üzləşir. Artıq Amerikanın müdafiə, aivasiya və kosmik sənaye sahəsində fəaliyyət göstərən iri şirkətləri də qondarma soyqırım iddiasının rədd edilməsini ciddi şəkildə tələb etməyə başlayıblar. Onlar bildiriblər ki, soyqırım məsələsini nümayəndələr palatası təsdiqləsə bu ABŞ-ın Türkiyəylə ilə münasibətlərinin pisləşməsinə səbəb olacaq. Özündə 270 şirkəti birləşdirən aviasiya və kosmik sənaye dərnəyi ən önəmli ticari tərəfdaş olan Türkiyənin küsdürülməsinin acı nəticələrə gətirib çıxara biləcəyini bəyan edib. Sabah qondarma soyqırım məsələsi nümayəndələr palatasının xarici əlaqələr komitəsində müzakirə ediləcək. Bu isə Türkiyənin yenidən kəskin etirazına səbəb olub.