ABŞ administrasiyası hesab edir ki, qondarma erməni soyqırımı ilə bağlı qətnamənin Konqresə daxil olmasının qarşısını almaq mümkün deyil. ABŞ dövlət katibinin köməkçisi Filip Qordon belə deyib. Bildirib ki, Barak Obama ilə Konqresin Nümayəndələr Palatası arasında heç bir danışıq olmayıb və bu barədə yayılan məlumatlar həqiqəti əks etdirmir. Türkiyə-Ermənistan münasibətlərinə də toxunan Ağ Ev rəsimisinin sözlərinə görə, qətnamə buna müəyyən mənada mane olsa da, proses hələ ki, tam dayanmayıb. Obama administarsiyası hesab edir ki, tarixi problemlər iki ölkə arasında danışıqlar çərçivəsində həll olunmalıdır.