Ölkədə istehlaka yönəldilən mavi yanacağın 34 faizi itkiyə gedir. Məsələni həll etmək üçün yeni proqram hazırlanır. Layihə həyata keçirildikdən sonra itkilərin 3 faizə endirilməsi nəzərdə tutulur. İtkilərin əsas səbəbi qaz oğruluğudur. Dövlət qaz nəzarəti idarəsindən verilən məlumata görə, cərimələrin min manatdan 3 min manata kimi artırılması belə halların qarşısını müəyyən qədər alıb. Digər səbəb isə qaz xətləri və avadanlıqların istimar müddətinin bitməsidir. Dövlət Neft Şirkətindən verilən məlumata görə, avadanlıqların çoxu ötən əsrin 60-70-ci illərində quraşdırıldığından, artıq köhnəlib. Hazırda bu sahədə yenidənqurma işlərinə başlanılıb. Bunun sayəsində ötən il ölkə üzrə qaz itkisinin həcmi 12 faizə enib. Amma bu da qaneidici göstərici deyil. Problemi tam aradan qaldırmaq məqsədilə yeni proqram hazırlanır. Nazirlər Kabinetinin təsdiq etdiyi sənədə əsasən, istehlaka yönəldilən qazın itkiyə gedən hissəsi maksimum 3,1 faiz olmalıdır.