Ombudsman Elmira Süleymanovanın insan hüquqları üzrə milli fəaliyyət planının icra vəziyyəti ilə bağlı bölgələrə səfəri davam edir. Növbəti ictimai dinləmələr Salyan və Neftçala rayonlarında keçirilib. Görüşlərdə rayon rəsmiləri, hüquq-mühafizə orqanları, yerli qeyri-hökumət təşkilatları və kiv nümayəndələri iştirak edib. Əsas müzakirə olunan məsələlər isə insan hüquqları, xüsusən də vətəndaşların seçki hüququ ilə bağlı qanunvericilikdə nəzərdə tutulan müddəaların təmin edilməsi olub. Vurğulanıb ki, bölgələrdə dinləmələr bitdikdən sonra vətəndaşları maraqlandıran məsələlər barədə aidiyyatı qurumlara müraciətlərin göndərilməsi nəzərdə tutulub.