Yaşıl Velosipedçilər Klubu növbəti dəfə diqqətləri özlərinə cəlb edib. Təşkil etdikləri ekoloji maarifləndirici «Yaşıl həftə» çərçivəsində daha bir maraqlı velo yürüş baş tutub. «Yaşıl Velosipedçilər Klubu»-nun «Yaşıl həftə» çərçivəsində təşkil etdikləri veloyürüş bu dəfə digərilərindən fərqlənirdi. Ən çox nəzərə çarpan cəhət isə velosipedçilərin ciddi geyimdə olması idi. Fəvvarələr meydanından start götürən velosipedçilər İçərişəhər, Qızqalası, Funikulyor, İzmir prospekti, Bakıxanov küçəsi, Azadlıq prospektindən keçərək Muğan bağında yürüşə yekun vurdular. Aksiyaya müxtəlif yaşda olan velo həvəskarlar qoşulub. Beləliklə «Yaşıl Velosipedçilər Klubu» daha bir aksiyaya imza atdılar. Bütün bu tədbirlər isə bir məqsədə xidmət edir. İnsanların ekoloji cəhəttən daha sərfəli nəqliyyat vasitələrinə marağını artırmaq.