Gəncə şəhərində uzun illərdir reallaşması gözlənilən bir layihənin ilkin təqdimatı olub. Bu, ölkənin ikinci böyük şəhərində tullantıların sənaye yolu ilə utilizasiya olunması ilə bağlıdır. Layihəyə əsasən şəhərdə zibil qutularının yenilənməsi, poliqon yaradılması, zibilin çeşidlənərək bərk tullantıların istehsala cəlb edilməsi üçün zavodun tikintisi nəzərdə tutulur. İqtisadi İnkişaf Nazirliyi, Gəncə şəhər İcra Hakimiyyəti və Almaniyanın «KVF» bankı tərəfindən həyata keçirilən layihəyə ilkin olaraq 400 min avro xərclənib.