Azərbaycan qazı Suriyaya ixrac olunacaq. Suriya prezidentinin ötən il Bakıya səfəri zamanı bu barədə razılıq əldə olunub. Razılaşmaya əsasən, Azərbaycan cari ilin sonundan suriyaya 1 milyard kubmetr qaz ixrac edəcək. Artıq Türikyə və Suriya arasında qaz şəbəkələri birləşdirilib və texniki məsələlər həll olunub. Məsələ ilə bağlı sənaye və energetika naziri Natiq Əliyevin rəhbərlik etdiyi nümayəndə heyəti suriyada səfərdədir. Dəməşqdə keçirilən görüşlərdə razılaşmanın detalları - qazın qiyməti, tranzit xərcləri də müzakirə olunacaq.