Azərbaycan, Gürcüstan və Rumıniya qaz nəqlinə dair razılaşma imzalayıblar. Bu barədə, gürcüstanın xarici işlər naziri Qriqol Vaşadzenin rumıniyalı həmkarı Teodor Bakonski ilə görüşündən sonra məlumat verilib. Rumıniyalı nazirin sözlərinə görə, ölkəsi Nabukko layihəsinin reallaşdırılması və Azərbaycan qazının Gürcüstan-Qara Dəniz vasitəsilə Rumıniyaya nəqlinin tərəfdarıdır. Danışıqlarda sıxılmış qazın nəqli üçün terminalların inşası da müzakirə olunub. Terminallardan biri Gürcüstan, digəri isə Rumıniyada tikiləcək. Hər iki layihənin dəyəri 6 milyard dollara yaxındır. Aprel ayında Türkmənistanın Nabukkoya qoşulması ilə bağlı müqavilənin imzalanacağı gözlənilir.